చల్ల హరిశంకర్‌గారికి ‘నంది అవార్డు’ ప్రదానం

నగర బీఆర్ఎస్ అధ్యక్షులు చల్ల హరిశంకర్ గారికి ఈరోజు ఘన సన్మానం జరిగింది. తెలంగాణ ఆల్ మ్యారేజ్ బ్యూరో ఓనర్స్ అసోసియేషన్ వారి తృతీయ వార్షికోత్సవం సందర్భంగా నిర్వహించిన ప్రతిష్టాత్మక కార్యక్రమంలో చల్ల హరిశంకర్ గారికి ‘నంది అవార్డు’ను ప్రదానం చేశారు.

ఈ కార్యక్రమంలో అసోసియేషన్ సభ్యులు, ప్రముఖులు, వివిధ రంగాల ప్రతినిధులు పెద్ద సంఖ్యలో పాల్గొన్నారు. ఈ సందర్భంగా అసోసియేషన్ అధ్యక్షులు మాట్లాడుతూ, చల్ల హరిశంకర్ గారు  ప్రజాసేవలో చేసిన కృషి అపారమైనది. సామాజిక సేవలో వారి నిబద్ధత, నిస్వార్థ సేవలకు గుర్తింపుగా ఈ ‘నంది అవార్డు’ను అందించడం మాకు ఎంతో సంతోషంగా ఉంది,” అని కొనియాడారు.

అనంతరం అసోసియేషన్ సభ్యులుహరిశంకర్ కు శాలువాతో సత్కరించి, జ్ఞాపికను, నంది అవార్డును అందజేశారు. అవార్డు స్వీకరించిన అనంతరం హరిశంకర్ గారు మాట్లాడుతూ, తన సేవలను గుర్తించి ఈ అవార్డును అందించిన తెలంగాణ ఆల్ మ్యారేజ్ బ్యూరో ఓనర్స్ అసోసియేషన్‌కు ప్రత్యేక కృతజ్ఞతలు తెలిపారు. ఈ పురస్కారం తనకు మరింత బాధ్యతను పెంచిందని, భవిష్యత్తులోనూ ప్రజా సేవలో మరింత అంకితభావంతో కృషి చేస్తానని ప్రతిజ్ఞ చేశారు.